Davao City – Gilauman sa Department of Education (DepEd) sa dagsa sa mga estudyante karong abri-klase nga magsugod sa June 3, 2019.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini aduna na silay “projected enrollment” sa pagsugod sa klase sa pampubliko ingon man pribadong eskwelahan.
Saysay ni Atillo, sa pampublikong eskwelahan, Kindergarten anaa sa 110,062. Grades 1-6 (618,613). Junior High School, Grades 7-10 (397, 378), Senior High School, Grades 11-12 (107,930) o kapin usa ka milyon sa tibuok sa region-XI.
Samtang sa pribadong eskwelahan, Kindergarten anaa sa 13,262. Grades 1-6 (52,737), Junior High School (65,493), Senior High School (64, 430) o anaa sa kapin 195,000 ka mga estudyante.
Saysay sa DepEd spokesperson nga dakong kahimuan ang gipahigayong early registration sa pag-andam sa panginahanglan sa mga kabataan.
Gipaniguro sa opisyal nga andam na ang mga tulunghaan labi na ang mga magtutudlo sa pagsugod sa school year 2019-2020.
RadyoMaN Kirby Manzon
