Davao de Oro – Ginaplastar na karon sa Department of Education (DepED) Davao de Oro ang mga kinahanglan alang sa subling pagbukas sa klase sa school year 2020-2021.
Sumala ni Dr. Eufemia T. Gamutin, Davao de Oro School Division Superintendent, himoon ang klase sa mga tinun-an pinaagi sa online class, face to face ang mga bata moadto sa eskwelahan apan limitahan ang ihap aron mamintina ang social distancing, magsul-ob og face mask ang tanan aron masigurong luwas batok COVID-19.
Dugang niini, ang ubang mga estudyanteng walay access sa internet, mogamit sila og mga printed materials aron makapadayon gihapon sa ilang pagtuon.
Matud pa nga walay angay kabalak-an ang mga estudyante sanglit adunay igong ihap sa mga magtutudlo ug school classrooms.
Una ng gikabutyag sa DepED nga gikatakdang mag sugod ang klase karong bulan sa Agosto, 2020.
RadyoMaN Jules Catisay
