Davao City – Sugod ugmang adlawa (June 16, 2020), tugotan na sa Department of Education (DepEd) ang face-to-face enrollment sa mga pampublikong eskwelahan.
Matud sa DepEd, mamahimong na’ng maka pa-enroll sa eskwelahan kadtong mga wala nakapa-rehistro via remote or online enrollment nga gisugdan niadtong June 1, 2020.
Sa One Davao on COVID-19 Virtual Presser, gibutyag ni Jenielito Atillo, Spokesperson sa DepEd-XI nga paningkamutan sa departamento nga mahataga’g solusyon ang posibleng muabot nga problema sa abri-klase pinaagi sa pag-implementar sa bag-ong sistema sa pagtuon gumikan sa Coronavirus Disease 2019 (COVID-19).
“To the public, do not expect that this is going to be a hundred percent once we start this because eventually, there will be concerns, problems but you can be assured that the Department of Education will really have to respond to this appropriately,” esplikar ni Atillo.
Gitataw sa DepEd nga magpadayon gihapon ang ginahimong remote enrollment isip preparasyon sa no face-to-face classes sa August 24, 2020 pinaagi sa blended learning.
RadyoMaN Kirby Manzon
