Gitambungan Department of Education (DepEd) kaalayon ang Commission on Elections (COMELEC), Philippine National Police (PNP), Armed Forces of the Philippines (AFP), ug Philippine Coast Guard sa Multi-Agency Send-off Turnover Ceremony aron ipakita ang kinatibuk-ang pwersa nga muhilok karong piniliay.
Pinasikad sa DepEd Memorandum Blg. 63 s. 2023, gitukod sa buhatan ang 2023 Barangay at Sangguniang Kabataan Election Task Force (BSK-ETF) isip panaad nga sila muhatag og saktong impormasyon ug tabang technical ug legal alang sa mga magtutudlong muserbisyo karong Oktubre 30.
Naglusad usab ang DepEd og nationwide orientation ug training aron masigurong aduna’y igong kaalam ang mga miyembro sa task force sa mga pamaagi paunsa malampuson nga malihok ang eleksyon.
RadyoMaN Ivy Parido
