DepEd: Graduation… Simple Alagad Solemni

110

Simple alagad solemni… Ini an dapat na kondukta kan graduation, closing o moving up ceremony ngunian na bulan kan marso segun sa Division of Camarines Sur sa lidetrato ni Supt Arnulfo Balane.
Segun sa superintendent, dapat na maging simple alagad solemni an mga graduation exercises kun sain masentro an okasyon sa aktibidad sa paagi kan pag -rekonoser kan sarong aki na makatapos sa elementary o sekondarya.
Maging an pag sol-ot nin toga dai man ipigmamandu kan Department of Education, segun pa ki Balane. Alagad madepende ini sa urolay entre kan mga magurang asin mismong magraduar kun ano an porma asin uniporme na gagamiton para sa graduation.
Liwat man na piglinaw ni Balane na an okasyon na ini dai dapat na maging venue nin political activity kaya dapat na an kukuanon na maging speaker matao nin marhay na giya asin inspirasyon para sa mga estudyante.
Sa ngunian segun pa sa superintendent klaro naman sa gabos na mga paratukdo orog na sa mga school heads asin principals an arog kaining direktiba para sa kondukta kan mga graduation o closing exercises.
Arog man kaini an naging mensahe ni Supt William Gando kan Division of City Schools sa Naga. Enot ng ipinahayag ni Gando na mayong dapat na problemahon na kontribusyon an mga magraduar nin huili ta sagot na ini kan DepEd sa tabang kan local na gobyermno.

Facebook Comments

From Advertisers