Davao City – Gipaniguro sa Department of Education (DepEd) nga adunay igong mga magtutudlo ang mo-serbisyo sa mga tulungaan sa school year 2019-2020.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga bastante ang ihap sa mga magtutudlo labi na dinhi sa rehiyon onse.
“Dili ta mamroblema og mga magtutudlo sa punto nga bastante kaayo ang atong suplay sa teachers ug pinaagi sa natural vacancy. Bastante ang atong resources, so dili kaayo kabalak-an ang panginahanglan sa mga matutudlo sa region-XI,” saysay ni Atillo.
Nasayran nga subay sa anunsyo sa DepEd, nanginahanglan kini og 10,000 ka mga bag-ong magtutudlo karon nga school year.
Nasayran nga angay magbaton ang usa ka magtutudlo og 45 ka estudyante sa grade school samtang sa kindergarten angay lang usab nga magbaton og 25 ka estudyante sa usa ka classroom.
RadyoMaN Kirby Manzon
