DEPED ILIGAN MIPAKLARO SA ILANG PAGPATUMAN SA ZERO COLLECTION POLICY NIINING PANAHON NGA NAGKADUOL NA ANG GRADUATION SA MGA TUNGHAAN

91
Gipaklaro ni Deped Schools Division Superintendent Randolph Tortola nga ilang gipatuman karon ang zero collection policy panahon sa graduation activities sa mga pampublikong tunghaan sa dakbayan sa iligan niining bulan sa marso.
 
Kini aron dili na mahatagan pa ug problema ang mga ginikanan ilabi na kadtung wala gayu’y kaya nga ikabayad sa bisan unsa mang amutan.
 
Matud ni Tortola, dugay nang gimando sa nasudnong buhatan sa departmento sa edukasyon ang zero collection policy panahon sa graduation sa mga tinun-an tungod ang pundo sa departamento naman mao’y gamiton sa mga tunghaan.
 
Gi-awhag ni Tortola ang mga ginikanan nga direktang mo-report sa iyang buhatan kun adunay principal o magtutudlo nga maningil ug bayad alang sa bisan unsa mang kalihukan sa umaabot nga graduation.

Facebook Comments