Inirekomenda ng Department of Education (DepEd) ang modified school calendar para sa mga lugar na apektado ng pag-aalburuto ng Bulkang Taal.
Sa inilabas na schedule ng DepEd, sakaling manumbalik na ang klase sa lahat ng paaralan sa Batangas sa darating na February 3, 2020 – magsisimula ang make-up classes sa unang buwan ng Pebrero at magtatapos ito sa buwan ng Abril.
Ayon kay Education Secretary Leonor Briones – kinakailangan ng Sabado at Linggo ang pasok ng mga estudyante para mapunan ang mga araw na nasuspinde.
Iginiit ng kalihim na para rin ito sa kapakanan ng mga mag-aaral kaya hinihingi nila ang pang-unawa ng lahat lalo na ng mga magulang.
Facebook Comments