Davao City – Giklaro karon sa Department of Education kun DepEd nga way kamatuoran ang mga mikalat nga storya nga wagtangon ang K to 12 Basic Education Program.
Kini ang gitino ni Jenielito ‘Dodong’ Atillo, DepEd Davao spokesperson atol sa pakighinabi kaniya sa tulumanong Straight to the Point morning edition uban si RadyoMaN June Duterte.
Saysay sa tigpamaba nga adunay mga nanggawas nga isyu sa Commission on Higher Education kun CHED bahin sa transition gikan sa basic education ngadto sa tertiary kun college level nga wala matud pa naplastar sa milabayng administrasyon sa maong buhatan apan wala kini nagpasabot nga walaon na ang nasangpit nga programa.
“Naay mga scholarship nga ginapanghatag para matabangan ang apektado apan wala kuno naplastar pag ayo sa milabayng administrasyon sa CHED. That’s the information that I get mao ng kinahanglan dunay angayang resolbahon ug usbunon pero ang CHED wala nagsulti that they were calling for the scrapping of the K-12 program, that is not correct… kumpirmahon na nato nga walay kamatuoran ang mga balita nga mga ingon niana,” segun ni Atillo.
RadyoMaN Renz Barbarona
