Davao City – Gihatagan karon sa Department of Education (DepEd) og igong panahon ang Salugpongan Ta’ Tanu Igkanogon Community Learning Center Inc. sa pagtubag sa alegasyong gipahamtang kanila human nga gisuspinde sa DepEd ang 55 ka mga Lumad schools nga ilang gi-operate sa tibuok rehiyon onse.
Sa impormasyon nga gipadala ni DepEd-XI spokesperson Jenielito “Dodong” Atillo sa DXDC RMN Davao, gikumpirma niini nga inay July 17, 2019, gihatagan sila og laing lima ka adlaw nga lugway subay hangyo ni Ms. Meggie Nolasco, executive director sa Salugpongan nga gi-aprubahan usab ni DepEd-XI regional director Evelyn R. Fetalvero.
Gikatakdang sa July 22, 2019 o sa Lunes sa sunod semana ang bag-ong deadline nga gihatag sa DepEd sa nahisgutan.
Kahinumduman nga gisuspinde sa DepEd ang maong mga tulunghaan tungod sa report ni Secretary Hermogenes Esperon, National Security Adviser ngadto sa DepEd nga ang maong mga eskwelahan wala nagtudlo subay sa sumbanan nga departamento diin ginagamit usab sumala pa ang mga bata sa mga rally ug ginatudloan sa mga idolohiya nga nag-advocate og lakang batok sa gobyerno.
RadyoMaN Kirby Manzon
