Magahire sang 10,000 ka public school teachers kag 5,000 ka non-teaching personnel ang Department of Education (DepEd) gamit ang ila masobra P500 billion nga funding sa masunod nga tuig (2020).
Ang tikang kabahin man sa katuyuan sang DepEd nga ma-improbar ang teacher-to-student ratio, pagpasanyog sa pagtuon sang mga estudyante kag mabuhinan man ang workload sang pila ka mga personnel.
Ini bangod nakita nga nagasaka ang numero sang mga estudyante base sa enrollment record sa mga public schools nationwide.
Suno kay Education Secretary Leonor Briones, ang paghire sang dugang nga 10 mil ka mga educators ginpondohan sang P1.27 billion.
Magluwas sa pag-improbar sang teacher-to-student ratio, magahatag man ini sang ligwa agud ma-angkon ang conducive learning environment sa mga pampubliko nga buluthuan sa pungsod.
“More than being part of our 10-point agenda, we want to stay true to our word that the department is relentless in finding ways to enhance personnel welfare, while at the same time improving the delivery of quality education,” ang pahayag ni Briones.
Photo from web
