DepEd, magsasagawa ng alternative learning para sa out-of-school youth

Tutulong ang Department of Education (DepEd) sa pagsasagawa ng enrollment ng ‘out-of-school’ youth sa Alternative Learning System (ALS).

Ayon kay Education Undersecretary Revsee Escobedo, tutukuyin nila ang mga indibidwal na nais ipagpatuloy ang kanilang pag-aaral sa kabila ng kanilang limitasyon.

Mula nitong July 16, ang kabuuang enrollees sa buong bansa ay nasa 20,744,595 na may higit 19.9 million na estudyanteng naka-enroll sa pampublikong paaralan habang nasa 1.09 million ang nakarehistro sa pribadong eskwelahan.

Ang CALABARZON ang may pinakamaraming bilang ng enrollees kasunod ang Central Luzon at National Capital Region (NCR).