Davao City – Angay sumala pang magbaton og igong proteksyon ang mga magtutudlo nga obligadong mo disiplina sa mga estudyante sulod sa eskwelahan.
Sa interbyu sa DXDC RMN Davao kang Jenielito “Dodong” Atillo, spokesperson sa Department of Education (DepEd)-XI, gitataw niini nga adunay maayong balaod sulod sa istraktura sa departamento apan kinahanglan kining tutokan labi na kung huyang ang pagdisiplina sulod sa panimalay.
“Kung ang pagdisiplina sa panimalay huyang kaayo, then you can really guarantee nga naa gyud tay problema pag-abot ana sa classroom. So kinahanglan og proteksyon ang atong mga magtutudlo,” saysay ni Atillo.
Gitataw ni Atillo nga dili lamang simpleng trabahante sa gobyerno ang mga magtutudlo kundili gikonsidera silang “persons in authority” subay sa balaod.
Panawagan niini nga kung aduna may reklamo, angay nga muagi sa proseso sama sa pagpahibalo sa principal aron dili mudako ug daling masolusyonan ang problema.
RadyoMaN Kirby Manzon
