Davao City – Nagpahinumdom karon ang Department of Education (DepEd) sa mga pampublikong tulunghaan sa elementarya ug sekondarya sa pagpatuman sa “No Collection Policy” sa pag-abri sa klase.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga padayon kining ginapatuman sa mga pampublikong eskwelahan subay usab sa DepEd order aron walay rason nga dili makatunghan ang mga estudyante.
“Padayon natong gi-implementar ang “No collection policy” isip pagpatuman sa constitutional mandate nga public education is always free,” saysay ni Atillo.
Dugang pa ni Atillo nga kini ginapatuman labi na kadtong mga tulunghaan nga nagatanyag og public basic education gikan sa Kindergarten hangtud sa High School.
Nasayran nga opisyal nga magsugod ang pag-abri sa klase sa pampublikong eskwelahan sa school year 2019-2020 karong June 3, 2019.
RadyoMaN Kirby Manzon
