Davao City – Tumanon sa Department of Education (DepEd) ugaling i-reset ang petsa sa pag-abri sa klase human gilagdaan ni Presidente Rodrigo Duterte ang sugyot balaodnon sa pag-otorisa kaniya nga i-reset ang petsa sa abri-klase sa mga eskwelahan sa tibuok nasud.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga nagtuman kanunay ang departamento sa balaod sa pagpatuman sa ilang mga aktibidad.
“We will abide if there is a law. We always submit to the majesty of the law because tanang lihok naman sa Department of Education is pursuant to existing laws,” segun ni Atillo.
Subay sa bag-ong balaod, tugotan ang pangulo subay sa rekomendasyon sa DepEd secretary nga maghatag og bag-ong petsa panahon sa deklarasyon sa state of emergency o state of calamity.
Sa pagkakaron, nagpabiling Agosto 24, 2020 ang abri-klase subay sa unang sa anunsyo sa DepEd.
RadyoMaN Kirby Manzon
