DEPED: Senior High students ha Tacloban, diri tanan makakagradwar

65

TACLOBAN CITY – Excited an pira nga mga estudyante han Senior High School kay hira in makakagradwar na ha 12 katuig nga pag-eskwela.

Ini man gud an syahan nga batch han mga estudyante han Kto12 program han gobyerno nga makakapaso yana nga Marso ngan Abril.

Pero ha interview han RMN kan Jade Bautista Calleja, Planning Officer han DEPED Tacloban, diri tanan nga mga estudyante han Senior High ha tTcloban in makakagradwar.

“Mayada naton mga grade 12 student nga may mga hulog ha mga subject. Ika duha, mayada naton mga estudyante nga transferee from other schools, nagbaya man so waray kakompleto an duha ka-tuig ha senior high. Ika-tulo, an nag-shift hin track, an ira specialization han una in yana magka-iba.”

Pero siring ni Calleja, gamay la nga mga estudyante han senior high an diri makakagraduate, 1% la ini ha ngatanan nga mga Senior High students ha Tacloban.

April 2 tubtob April 6 an ginhatag nga mga adlaw han DEPED ha graduation han Senior High school, mapili an mga public schools kun hain hira hito nga adlaw magdudumara hin graduation exercises.

Facebook Comments