Davao City – Hugot karong nagpahimangno ang Department of Education (DepEd) ngadto sa mga principal ingon mga magtutudlo sa eskwelahan nga likayan na lamang ang pag-imbitar og mga pulitiko atol sa mga seremonya o aktibidades sa eskwelahan.
Sa pakighinabi sa DXDC RMN Davao kang Jenielito “Dodong” Atillo, spokesperson sa DepEd-XI, gisaysay niini nga bisan pa man og walay pagpangampanyang mahitabo apan makonsidera gihapon ang presensya sa nahisgutan sa hisgutanan sa eleksyon.
“Bisan pa ma’g dili sila mangampanya, their presence will already open up issues on possible ingon ta.. pagpangulitawo sa mga botante.”
Tambag ni Atillo sa mga labaw sa eskwelahan nga likayan ang pag-imbitar og mga pulitiko ug laing mga sektor na lamang ang imbitahon.
“For the principal as an advice, nga ato lang sang i-excuse ang atong kaugalingon karon sa pag-imbitar og mga pulitiko or mga kandidato and better focus your attention sa ubang mga sektor.”
RadyoMaN Kirby Manzon
