Wala sang plano ang Department of Education (DepEd) nga ibasura ang K to 12 Program sa pihak sang “online misinformation.”
Ini kasunod sang plano man sang Commission on Higher Education (CHED) nga i-review kag repasuhon ang sistema sang K to 12 Transition Program.
Suno sa DepEd, hindi basta-basta nga mapa-untat ang programa bangod may layi angot diri sa Republic Act no. 10533 ukon “Enhanced Basic Education Act of 2013.”
Pahayag pa sang DepEd, masobra 2.7 milyo ka mga estudyante ang nakabenepisyo sa programa sa diin nakabaton sila sang “free or highly-subsidized” senior high school education sa mga pampubliko kag private schools sa bug-os nga pungsod.
Makapalain man suno sa DepEd sa sistema sang edukasyon sa pungsod kon ibasura ang K to 12 program.
Photo from web
