Davao City – Kung gikinahanglan man nga gamiton ang mga eskwelahan para madugang sa vaccination sites sa lokal nga panggamhanan sa Davao, abli ang Department of Education XI sa maong lakang.
Gibutyag ni Department of Education Region XI spokesperson Jenielito Atillo, centralized ang desisyon sa pag-utilize sa mga tulunghaan og kini gihulat nila nga mando gikan sa mga opisyales sa DepEd national.
Matud ni Atillo, kinahanglang masiguro ang health and safety sa tanan kung sa mga eskwelahan ipahigayon ang pagbakuna sa COVID-19.
Subling giklaro sa DepEd nga dili gayod mamahimong muhawid o mangunay og turok sa vaccine sa COVID-19 ang mga magtutudlo, kundili mas mag-focus sila sa Information ug Education drive ngadto sa publiko.
RadyoMaN Aimee Guinita
