Davao City – Nakita karon sa Department of Education (DepEd)-XI nga adunay katuyoan ang mando karon sa pag-apil sa Bagong Pilipinas Hymn ug Pledge sa flag ceremonies sa government agencies ug educational institutions.
Sa interview sa DXDC RMN Davao kang Jenielito Atillo, spokesperson sa DepEd-XI, iyahang gisaysay nga isip kabahin sa gobyerno, tumanon sa DepEd ang maong direktiba nga nakalatid sa Memorandum Circular (MC) No. 52 nga gilagdaan niadtong June 4, 2024.
“It’s just an add on to what we already have ug tumong ug tuyo niana is aron nga masabtan pa og dugang sa katawhan labaw na sa mga taga gobyerno ang ginapahilona karon nga paningkamot sa kasamtangang administrasyon,” sulti ni Atillo.
Sa bahin sa DepEd, dugang kini sa kasamtangang Lupang Hinirang Hymn ug Panatang Makabayan ug uban pang hymns, diin kini pahinumdom usab sa mandato mga magtutudlo ug mga DepEd personnel ug direksyon sa kasamtangang panggobyerno.
RadyoMaN Kirby Manzon
Facebook Comments
