Sa interview sa DXDC RMN Davao kang Jenielito Atillo, tigpamaba sa DepEd-XI, iyahang gisulti nga nahimong direktiba ni DepEd-XI Regional Director Allan Farnazo ang pagpahigayon sa pagpanghinlo karong Biyernes, Pebrero 9, 2024 bisan og kini holiday tungod sa Chinese New Year.
Nasayrang adunay mga eskwelahan ang gisulod sa tubig-baha ug napuno sa lapok ug adunay mga kagamitan nga nadamyos.
“We will spend that day para sa atoang mga tulunghaan, mga kabataan, mga magtutudlo ug school community nga nakatagamtam og baha. We will spread our strength, our regional office population sa tanang parte sa region eleven nga nakatagamtam og problema or epekto sa kalamidad,” sulti ni Atillo.
Samtang, aron mapadayon gihapon ang pagtuon sa mga estudyante nga anaa sa evacuation center, gimandoan ang mga eskwelahan nga wala naapektuhan sa pagbaha, nga ipahulam ang ilahang self-learning modules. Pwede usab nga temporaryong mutungha ang estudyante sa public schools nga duol kung asa sila nag-evacuate sa kasamtangan.
RadyoMaN Kirby Manzon
