Davao City – Mohatag og cash incentives ang Department of Education XI ngadto sa mga atletang makasakmit og medalya sa regular games sa Palarong Pambansa 2019.
Gibutyag ni DepEd Spokesperson Jenielito Atillo nga ang mga atleta nga maka-Gold Medal sa individual events adunay makuhang P20,000, small groups nga naa sa 2-5 players makadawat og P30,000 samtang P50,000 ang dawaton sa team nga adunay 6 pataas nga players.
“For Region XI only, I cannot give confirmation yet kung aduna pa pod bay ihatag for demo sports, SPED game athletes but what is very sure now is for regular games,” segun ni Atillo.
Matud ni Atillo nga 50% sa nadawat nga insentibo sa nakamedalyang atleta maoy para sa iyahang coach(es).
Lakip usab mga mahatagan og mga cash incentives ang mga naka-Silver ug Bronze medals.
“Most likely maghatag ta’g incentives kanang before or even after the closing kanang time nga mu-pacify na ang tanan. We just request their very presence sa Regional Office para sa paper works then they can receive their incentives,” matud ni Atillo.
Segun ni Atillo kini maoy silbing pasalamat ug pahalipay sa DepEd sa mga atleta sa DAVRAA.
RadyoMaN Aimee Guinita
