Davao de Oro – Giklaro sa Department of Education (DepED-XI) nga dili tulonghaan sa mga lumad ang Community Technical College Of Southeastern Mindanao (CTCSM) tungod kay wala giila sa Department of Agriculture (DA-XI) ang maong eskwelahan sukwahi sa giluwatang pamahayag niini nga aduna silay pagtugot sa duha ka ahensya sa gobyerno.
Sumala sa sulat pamahayag sa DepED-XI, ila nang gitunol ang closure order sa maong tunghaan aron hingpit nang dili makapahigayon sa klase ug ubang kalihokan ang naasoy’ng eskwelahan.
Kahinumduman nga nagpagula og mando ang Department of Education kun DepED bahin sa pagpaundang sa operasyon sa (CTCSM) human subay sa sulat pamahayag sa DepED-XI, ang maong tulonghaan dunay mga kalapasan sama sa kakulang sa school records, school accreditation gikan sa DepED, pagsupak sa RA 7836 (Philippine Teachers Professionalization Act of 1994), ug mga magtutudlo nga walay unit sa Early Childhood Curriculum.
RadyoMaN Jules Catisay
