DepEd-XI: Desisyon sa Salugpungan ipagula

Davao City – Dili pa man mahuman ang bulan sa Setyembre, gikatakdang ipagawas na sa Department of Education (DEpEd) ang ilang desisyon sa Salugpungan Ta’tanu Igkanugon Learning Center Inc. (STTILCI).

Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga aduna na lamang silay ginasapinal ug aron ipagula na ang ilang desisyon alang sa maong eskwelahan.

“As of the moment, we’re finalizing everything. Nahuman na mi pero gina-finalize nalang nato ang tanang mga anggulo, elemento before we will come up with the final recommendation,” saysay ni Atillo.


Kahinumduman nga gisuspinde ang mga eskwelahan nga gipanag-iyahan ug gi-operate sa Salugpungan niadtong July 12, 2019 human sa isyu nga pagtulun-an batok sa gobyerno ang ginatudlo sa ilang mga kabataan.

RadyoMaN Kirby Manzon

Facebook Comments