Davao City – Giklaro sa Department of Education (DepEd)-XI nga dili tinuod nga gipatubag sa departamento sa lokal nga gobyerno o sa ubang sector ang budget sa pag-printa sa mga learning modules nga gikinahanglan sa abri-klase karong tuiga.
Sa interview sa DXDC RMN Davao kang Jenielito Atillo, Spokesperson sa DepEd-XI, gibutyag niini nga adunay gi-alokar nga pondo gikan sa DepEd Central Office sa printing sa nahisgutang mga modules diin moabot sa P499, 011, 000 ang budget alang niini.
“Walay kamatuoran kanang mga istorya nga atong gipasagop ngadto sa atong Local Government Units (LGUs) or atong gipatubag sa nagkadaiyang mga sektor kadtong pag-printa sa mga modules because there is appropriate funds, there is appropriate money for that,” tataw ni Atillo.
Matud ni Atillo, ang maong budget gibahin-bahin sa onse (11) ka mga schools division offices sa entero rehiyon subay sa ilang gikinahanglan nga pondo sa nagpadayong modules reproduction.
Davao City – P110,624,608
Davao de Oro – P72,309,870
Davao del Norte – P51,712,902
Davao del Sur – P44,681,046
Davao Occidental – P32,506,826;
Davao Oriental – P46,362,232;
Digos City – P26,781,853;
Island Garden City of Samal (IGaCoS) – P23,571,125;
Mati City – P26,012,237;
Panabo City – P29,554,376; ug
Tagum City – P34,893,925
“What we can assure the public is that this fund for reproduction of modules is appropriate already to run the entire school year pero kung kinahanglan pa og posibleng dugang, of course, following appropriate procedures on the release of tax payer’s money mao nay ipahiluna unya pag abot sa higayon kung gikinahanglan,” dugang sa DepEd-XI Official.
RadyoMaN Kirby Manzon
