Davao City – Positibo ang Department of Education (DepEd)-XI nga makab-ot ang ihap sa enrollees sa milabay nga tuig alang sa abri-klase sa Agosto 24, 2020 sa tibuok rehiyon.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga sa pinaka ulahing datos sa DepEd-XI, anaa na sa 623,988 ang nakapa enroll sa public schools ug 18,591 ang nakapa enroll sa private schools sa entero rehiyon ug naglaum nga kini madugangan pa.
“Promising kaayo ang enrollment for region eleven. We are hoping that in the days to come these 600 plus (enrollees) will still climb and then eventually reach our 1.16 million last year ang gidaghanon,” segun ni Atillo.
Sa pagkakaron, padayon ang ginahimong remote ug drop box enrollment scheme ug padayon usab ang pag-awhag sa DepEd labi na sa mga ginikanan nga ipa-enroll ang ilang mga anak isip preparasyon sa abri-klase.
RadyoMaN Kirby Manzon
