Davao City – Anaa na sa 90% ang natala nga enrollees sa Department of Education (DepEd)-XI kung basehan ang natalang enrollees sa public schools sa milabay’ng tuig nga miabot sa 1,161,883.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gibutyag niini nga as of July 17, 2020, miabot na sa 1,046,631 ang enrollees sa public schools sa tibuok rehiyon.
Sa maong ihap, Kindergarten (73,839), Grades 1-6 (544,164), Junior High School (334,468), Senior High School (94,160) isip kabahin gihapon sa resulta sa enrollment deadline niadtong July 15, 2020.
Samtang, sa private schools anaa lamang sa 69,867 ang natalang enrollees o 36% kung basehan ang 196,640 enrollees nga natala sa malibay nga tuig.
“Among gilauman nga musaka pa gihapon kining maong datos gikan sa private educational institutions,” segun ni Atillo.
Positibo ang DepEd official nga motaas pa ang maong ihap diin padayon pang naga abot ang ubang datos sa DepEd ug modawat pa usab ang departamento hangtud Agosto 24, 2020 alang sa late enrollees.
RadyoMaN Kirby Manzon
