DepEd XI: Enrollees sa Davao Region miabot sa 99.7%, enrollment extended

31

Davao City – Gipasalamatan ug gikalipay sa Department of Education (DepEd)-XI ang hapsay nga pagsugod sa School Year (SY) 2021-2022 diin padayon gihapon ang pagtuon sa mga estudyante sulod sa ilang panimalay tungod sa wala pagtugot sa face-to-face classes gumikan sa Coronavirus Disease 2019 (COVID-19) pandemic.

Atol sa AFP-PNP (Armed Forces of the Philippines -Philippine National Police) Press Conference, gibutyag ni Jenielito Atillo, Spokesperson sa DepEd-XI, nga kagahapong adlawa (September 15, 2021), anaa na sa 1,285,891 ang enrollees sa entero Davao Region o 99.7%.


Positibo si Atillo nga madugangan pa ang enrollees human gi-extend sa DepEd hangtud September 30, 2021 ang enrollment.

Gidugang sa DepEd-XI Spokesperson nga mas nasabtan usab karon sa mga ginikanan ang importansya sa edukasyon ug padayon nga edukasyon luyo sa ginaatubang nga pandemya.

“Napakita dinhi nga ang katawhan partikular ang atoang mga ginikanan were able to really and fully understand the importance of us, being the department running the education in the middle of the pandemic,” saysay ni Atillo.

Niadtong Lunes (September 13, 2021) sa dihang opisyal nga gisugdan ang pag-abri sa klase sa SY 2021-2022, ang ikaduhang school opening nga wala nagbaton og face-to-face classes tungod sa pandemic.



RadyoMaN Kirby Manzon

Facebook Comments