Davao City – Anaa sa 18 ka mga pampublikong eskwelahan sa Davao Region ang gina-andam karon sa Department of Education (DepEd)-XI panahon nga ipatuman na ang face-to-face (f2f) classes.
Sa interbyu sa DXDC RMN Davao kang Jenielito Atillo, Spokesperson sa DepEd-XI, gisaysay niini nga ilang gi-endorso ang maong mga eskwelahan tungod sa pagbaton lamang sa lugar og gamay nga kaso o wala gayuy kaso sa Coronavirus Disease 2019 (COVID-19).
“Ang delikado diha kung magbag-o og (quarantine) classification, kining 18 ka mga eskwelahan, then probably dili pud ‘ni namo sila i-go if ever there is already an approval to implement the face-to-face classes,” sulti ni Atillo.
Apan giklaro sa DepEd-XI Spokesperson, una pa man usab mapatuman ang f2f classes, kinahanglan kining magbaton og approval sa Local Government Unit (LGU), kasabutan sa mga ginikanan ug uban pang grupo nga pwedeng makahatag og shared partnership agreement nga subay gihapon sa approval sa Inter-Agency Task Force (IATF) ug ni Presidente Rodrigo Duterte.
RadyoMaN Kirby Manzon
