Gitinguha karon sa Department of Education Region XI nga walay masinatiang kakulian nga makapabalda sa unang adlaw sa pagbukas sa klase karong Agosto 29, 2023 sa mga pampublikong tulunghaan.
Gumikan niini gipangunahan sa DEPED XI ang Balik Eskwela 2023 Inter-Agency Convergence Meeting diin gitambongan sa PNP, CTTMO, DOH, LTO, DSWD, DILG ug uban pang mga ahensya sa kagamhanan nga adunay kalabutan sa pagbukas sa klase.
Gibutyag ni Deped XI spokesperson Dodong Atillo nga tumong sa maong panagtagbo aron iplastar ug hiusahon ang mga lakang sa matag ahensya ug buhatan sa lokal nga kagamhanan sa ilang tahas aron mahimong hapsay ang pagbukas sa klase karong sunod semana.
Matud ni Atillo nga angay magtunong ang mga gipanghimo sa matag ahensya aron nga dili magkaguliyang nga maka apekto sa mga ang kabataan ilabina gayud sa unang semana pagbukas sa klase sa pampublikong tulunghaan.
RadyoMaN Erin Lumosbog
Facebook Comments
