Davao City – Importante sumala pa ang usa ka seremonya alang mo-gradwar nga estudyante apan angay usab nga i-balanse ug tan-awon ang kapasidad sa mga ginikanan nga maoy mo-gasto alang sa maong aktibidad alang sa ilang mga anak.
Sa pakighinabi sa DXDC RMN Davao kang Jenielito “Dodong” Atillo, spokesperson sa Department of Education (DepEd)-XI, gisaysay niini nga bililhon ang seremonya sa paghuman sa usa ka estudyante sa lebel sa iyang pagtuon.
“Kung ingon nga tanggalon ang seremonya, para sa Department of Education dili pud sya angayan gumikan kay importante ni nga mga aktibidad para sa atoang mga kabataan ug sa atong mga ginikanan,” segun niini.
Saysay ni Atillo nga sa usa ka estudyante ug bisan sa iyang ginikanan, makonsidera ang maong seremonya isip bunga sa iyang ug ilang pagpaningkamot rason nga dili angay nga tanggalon ang maong aktibidad.
Giklaro usab sa tigpamaba sa DepEd nga magbaton og graduation ceremony ang Grade 6 karong school year 2018-2019. Samtang ang kindergarten ingon man ang grade 10 students tawgon nga completers ug magbaton og ginatawag nga “moving-up” ceremony.
RadyoMaN Kirby Manzon
