Davao City – Gipaabot karon sa Department of Education (DepEd)-XI ang resulta sa pagpalawom sa imbestigasyon sa insidenteng paghikog (suicide) sa duha ka estudyante sa Davao Region partikular na sa Davao de Oro ug Davao Oriental nga alegasyong tungod sa module ang rason sa insidente.
Atol sa One Davao on COVID-19 Virtual Presser, gibutyag ni Jenielito Atillo, Spokesperson sa DepEd-XI, nga ilang ginatun-an ang tanang posibleng anggulo nga maoy rason sa insidente diin gawas sa blotter sa police, ginahulat na lamang usab ang impormasyon gikan sa investigating team sa DepEd.
“Sa pagkakaron, we are still waiting for results (of the investigation) because the (DepEd) Regional Director, Dr. (Evelyn) Feltavero has directed the Schools Division Superintendent to come up with an information the soonest possible time,” matud ni Atillo.
Gibarugan sa DepEd official nga dili angay basulon ang module nga hinungdan sa suicide incidents diin dili kini makonsiderang usa ka ‘terror resource material’ sa pagtuon.
Gawas niini, mamahimong mo-facilitate ang mga ginikanan ug mamahimong mapangutana ang mga magtutudlo kung adunay kalisdanan diha sa no face-to-face classes tungod sa pandemic.
RadyoMaN Kirby Manzon
