Kini human nga daghan ang mialma sa nakalatid sa maong DO kung asa gidid-an ang magtutudlo sa pakigrelasyon, pakig-interact ug communicate lakip na ang pag-follow sa social media sa estudyante gawas sa eskwelahan.
Sa interbyu sa DXDC RMN Davao kang Jenielito Atillo, tigpamaba sa DepEd-XI, gitataw niini nga isip magtutudlo, kinahanglan lamang nga mahimong responsable sa paggamit sa social media ilabina nga usa ka ehemplo ang mga magtutudlo sa komunidad.
“Public servant man ‘ta. Model man ‘ta sa komunidad. Ang tao nagtan-aw man sa atoa. Bisan pa og pribadong tawo ‘ta, pero dako sa atoang pagkatawo ang pagka-public servant,” sulti ni Atillo.
Dugang sa DepEd-XI official, dili usab angay nga mahimong source ang mga magtutudlo sa mga sayup nga impormasyon kun fake news diha sa social media.
RadyoMaN Kirby Manzon
