Davao City – Subling nagpahinumdom ang Department of Education (DEPED) ngadto sa tanang magtutudlo nga sigurohon ang proteksyon sa mga estudyante ingon man maglikay sa mga pagpangabuso sulod sa mga tulunghaan.
Subay kini sa nag viral nga video bahin sa pagpaninggit ug panukol sa usa ka magtutudlo ngadto sa usa ka grupo sa boy scouts didto sa syudad sa Isabela diin nadala kini sa iyang kasuko.
Sa pakighinabi kang DEPED-XI spokesperson Jenielito Atillo, strikto nilang ginapatuman ang DepEd order no. 40 series of 2012 kinsa gidisensyo alang sa proteksyon sa mga estudyante aron mabatukan ang bisan unsang porma sa pagpangabuso gikan sa mga magtutudlo, principals, ginikanan ug uban pang adunay superior force.
“These are efforts nga kanunay ginapahinumdom ngadto sa mga concerns labo na tong mga magtutudlo ug principals nga sa kanunay hatagan gayod og matinud-anon nga implementasyon kining maong matang sa regulasyon,” tataw niini.
Segun ni Atillo nga walay natala nga parehong insidente dinhi sa dakbayan karong tuiga apan adunay susamang nahitabo sa mga milabay nga tuig gani ila kining kanunay ginatutukan ug ginaseryoso ilabi na nga ginakunsidera ang mga magtutudlo isip surrogate parents kun ikaduhang ginikanan.
RadyoMaN Jason Amisola
