Sumala ni DepEd XI Spokesperson Jenelito “Dodong” Atillo, ika-unom na ka adlaw ang early registration nga gipahigayon sa mga pampublikong eskwelahan sa tibuok rehiyon onse.
Matud ni Atillo, nagsugod ang early registration niadto pang Mayo 10, 2023 ug mahuman kini karong Hunyo 9, 2023. Segun ni Atillo, ang early registration gitagana alang sa mga Kinder 1, Kinder 2, Grade 1, ug Grade 11 nga kasamtangang nagtungha sa mga pampublikong tulunghaan.
Gawas sa sayo nga rehistrasyon, ang DepEd XI magpahigayon usab og regular enrollment, duha ka semana una ang opisyal nga pag-abli sa klase sa sayo sa buwan sa Agosto karong tuiga.
Gipasabot ni Atillo, tumong sa early registration nga aron sa karon palang ila nang makita daan, ang mamahimong populasyon sa mga estudyante sa mga pampublikong tulonghaan alang sa school year 2023-2024.
Giingon ni Atillo, ang mga anaa sa ubang level nga dili apil sa early registration, otomatiko nang rehistrado apan gikinahanglan gihapon nila magpa-enroll aron mahimo gayod silang opisyal nga mga estudyante karong tuiga.
Gitataw pa ni Atillo, pwede usab maka-avail sa early registration ang kadtong mga estudyante nga nagtungha sa mga pribadong eskwelahan kana kung buot nilang mubalhin sa mga public schools karong tuiga.
Sa mga buot magpa-rehistro og sayo, gikinahanglan bitbit nila ang ilang mga rekisitos sama sa birth certificate ug uban pa diin giklaro sa tigpamaba, wala nagpasabot kay sayo nagpa-enroll mabutang na sila sa mas nindot nga room ug seksyon.
Subay sa datos, anaa na sa kapin 56 mil ka estudyante gikan Kinder, Grade 1, ug Grade 11 sulod lang sa unom ka adlaw,y kung asa gilauman nga mas mudako pa kining ihap hangtud sa Hunyo 9, 2023, hinoon walay partikular nga target sa mga enrollees ang DepEd XI, apan mag-agad lamang sila kon pilay mag-enrolled sa early registration.
Sa maong ihap, ang kinder nakatala na og 11,580 sa Grade 1, 25 mil sa Grade 7, kapin 10,000 sa Grade 11 ug nakarehistro na og kapin 9,000 ug ang tanan pwede nang dili magpa-enroll atol sa adlaw sa enrolment.
Samtang ang mga pribadong tulonghaan, gihatagan og kagawas sa DepEd XI, kung magpahigayon ba usab sila og early registration o dili.
RadyoMaN Joel Viray
