Davao de Oro – Wala tugoti sa Department of Education (DepED-XI) ang tulunghaan sa Community Technical College Southeastern Mindanao (CTCSM) nga makapadayon sa ilang operasyon alang sa kindergarten hangtod senior high school.
Kahinumduman nga ubay-ubay ka mga estudyante ang na-stranded sulod sa tulunghaan dul-an duha ka bulan tungod sa gipatumang lockdown tungod sa COVID-19.
Subay sa sulat pamahayag sa DepED-XI , ang maong tulonghaan dunay mga kalapasan sama sa kakulang sa school records, school accreditation gikan sa DepED, pagsupak sa RA 7836 (Philippine Teachers Professionalization Act of 1994), ug mga magtutudlo nga walay unit sa Early Childhood Curriculum.
Naglaom ang DepED-XI nga sundon sa mga tagdumala sa CTCSM ang desisyon nga gipakanaog sa DepED-XI nga nagpaundang sa ilang operasyon.
RadyoMaN Jules Catisay
