Sa interview sa DXDC kang Jenielito Atillo, Spokesperson sa DepEd XI, iyang gibutyag nga gihulat na lang nila ang datos sa uban pang eskwelahan apan positibo nga duol na sila sa ihap sa gitinguhang mga estudyante.
Gipaniguro usab ni Atillo nga padayon ilang pagdawat sa enrollees bisan og humana na ang enrollment period niadtong Byernes, July 26, 2024.
“Katong gusto pa magpa-enroll should be given appropriate assistance. Nakita nato ang importansya nga sila dawaton gihapon kay ang primordial concern nato is to ensure nga ang tanang bata, musulod gyud sa eskwelahan,” segun sa opisyal.
Apan siya nagpahinumdom sa mga ginikanan ug mga estudyante sa kamahinungdanon sa pagsunod sa schedule, deadline, ug patakaran. Samtang, mapasalamaton usab si Atillo sa tanang nagpaluyo sa malampuson ug luwas nga abri klase gahapon, July 29, 2024.
“Pinaagi sa panaghiusa sa tanang ahensya sa kagamhanan nga duna’y kalambigitan sa pag-abri sa klase ingon man usab sa tabang sa pribadong sector, pribadong hut-ong ug interesadong grupo, we have a very smooth opening of classes for school year 2024-2025.”
via RadyoMaN Ivy Parido
