DepEd-XI: Pagsuot og face mask dili compulsory

39

Davao City – Nagdepende sumala pa sa mga eskwelahan ug sa mga ginikanan ang pagpasuot og face mask sa ilang mga estudyante o anak gumikan sa COVID-19 (Corona Virus Disease 2019).

Sa interbyu sa DXDC RMN Davao kang Jenielito “Dodong” Atillo, spokesperson sa Department of Education (DepEd)-XI, gibutyag niini nga angay nga sabutan sa eskwelahan o ginikanan kun buot man galing sa nahisgutan ang mga estudyante nga magpasuot og face mask.


“Kanang ingon ana nga desisyon among gihatag na didto sa mga ginikanan, sa mga eskwelahan pero kinahanglan on the part of the schools either public or private kung mag desisyon sila ana, i-agi nila sa eksaktong pagpahibalo aron malikayan ang panic,” saysay ni Atillo.

Apan una nang gitataw sa Department of Health (DoH) nga kadtong walay sakit o anaa sa maayong panglawas dili kinahanglang magsuot og face mask gawas lang kung nagbaton ka’g sakit aron kalikayan nga makatakud sa uban.

RadyoMaN Kirby Manzon

Facebook Comments