Davao City- Niapelar ang Department of Education (DepEd) ngadto sa tanang mga ginikanan nga paniguraduhong dili maapektuhan ang pagtuon sa mga bata sa mas giluagang quarantine measures sugod karong Pebrero sa mga areas nga anaa sa Modified General Community Quarantine (MGCQ).
Atol sa interview sa DXDC RMN Davao, gibutyag ni Department of Education spokesperson Jenielito Atillo nga kinahanglang nakakatutok gihapon ang mga estudyante sa ilahang pag-eskwela ug dili sa paglaroy-laroy sa kalsada o sa mga establisyemento.
“Ang amo lang panawagan sa mga ginikanan nga dili maapektuhan ang mga pagtuon sa mga bata labaw na sa buntag klase na sila ug i-balanse og maayo labaw na og nagklase dapat naa sila sulod sa ilahang panimalay,” sumala ni Atillo.
Isip kabahin sa IATF, mutamod ang DepED XI ngadto sa mga nahimong desisyon sa gobyerno diha sa pagtugot sa mga minors nga nag-edad 10 anyos pataas nga makagawas sa ilahang mga panimalay sa aron sa pag-hinay-hinay og abli sa ekonomiya karong tuiga nga epektibo karong Pebrero 1, 2021.
Apan subling gipahinumdum ni Atillo ang responsibilidad sa mga ginikanan nga bantayan ang mga kabataan ilabina nga ang dakbayan sa Davao nga adunay Executive Order sa pagdili sa mga bata diha sa paglatagaw.
RadyoMaN Aimee Guinita
