DepEd-XI: Simex sa mass shooting ug hostage situation dako’g tabang

31

Davao City – Dako’g tabang ang simulation exercise (Simex) kabahin sa Inter-Agency Response to Mass Shooting and Hostage Situation karong adlawa, Miyerkules (Mayo 19, 2021) sa Davao City National High School (DCNHS).

Sa interbyu sa DXDC RMN Davao kang Jenielito Atillo, Spokesperson sa Department of Education (DepEd-XI), gibutyag niini nga dako og tabang ang aktibidad aron magbaton og igong kahibalo ang tulunghaan kung unsa nga aksyon ang angayang himuon panahon sa maong sitwasyon.


“Maayo ‘ni nga avenue for us, sa Department of Education ug sa mga tulunghaan nato gumikan kay atubangan mismo sa atoang mga personahe, ma-witness nato ‘tong angayan nga pagabuhaton especially that the school is housed by many population of students, teachers and the school community,” saysay ni Atillo.

Matud sa DepEd-XI official nga posibleng aduna usay pipila ka mga personahe sa eskwelahan ang mopartisipar sa drill, ug gisalig na sa DepEd-XI ang pagpahigayon niini sa pagpanguna sa Davao City Police Office (DCPO) ug uban pang security ug response agencies.

Gipahibalo usab ang publiko nga adunay matigayong road closure sa F. Torres Street ug Jacinto Extension, Davao City gikan alas 9:00 sa buntag hangtud alas12:00 sa udto diin giawhag ang katawhan nga dili mag-panic tungod kay usa lamang kini ka simulation exercise.

RadyoMaN Kirby Manzon



Facebook Comments