Davao City – Molusad og imbestigasyon ang Department of Education (DepEd-XI) sa duha ka mga suicide incidents sa Davao Region.
Sa interbyu sa DXDC RMN Davao kang DepEd XI Spokesperson Jenielito Atillo, gibutyag niya aron masuta ang tinubdan ug lawom nga rason sa paghunos sa kinabuhi sa duha ka mga batan-on.
“Ang atong Regional Director Dr. Evelyn Fetalvero already issued a directive sa School’s Division Superintendents aning duha ka mga dapit diin adunay natala nga suicide incidents to conduct an investigation aron sa pagsuta sa ugat hinungdan niining panghitabo specifically didto sa Davao Occidental,” segun ni Atillo.
Sa report sa Malita Municipal Police Station, usa ka Grade 8 student ang napalgang wala nay kinabuhi samtang naghalog sa module.
Nanawagan ang DepEd XI sa mga ginikanan ug mga estudyante nga mamahimo nilang ipadangat direkta sa ilahang mga magtutudlo kung aduna silay problema aron mahataga’g aksyon ug intervention.
Gitataw ni Atillo, dili lang gilayon ibasol ang mga makasubo nga insidente sa module, usa sa ilahang mga tukion sa imbestigasyon ang mga lawom pang mga factors nga naka-trigger sa duha ka mga biktima.
RadyoMaN Aimee Guinita
