Davao City – Gitun-an pag-ayo sa Department of Education (DepEd-XI), ang nagkataas nga populasyon sa mga estudyante sa rehiyon onse, apan wala pay planong ipatuman ang triple shifts sa klase.
Sa pakighinabi ni RadyoMaN Misel Miral Galve sa programang Straight to the Point kang Schools Division Superintendent Reynante Solitario, gibutyag niini, adunay dakong kakulangon sa magtutudlo, classrooms ug armchairs ang mga eskwelahan.
Segun ni Solitario, gipatuman na ang duha ka shifting sa klase sa Davao City National High School (DCNHS), aron maakomodar ang dul-an 16,000 nga nagpa-enroll.
Gipanawagan usab niya sa panggamhanan nga mag-tinabangay ug angay tutukan ang kahimtang sa mga estudyante.
Gipasalig usab ni Solitario, magpabiling dekalidad ang edukasyon nga ihatag sa matag estudyante, human napamatud-ang hawod ang mga magtutudlo sukad pa sa milabay’ng tuig.
RadyoMaN Kareen Beltran
Facebook Comments
