Davao City- Walay natala ang Department of Education XI nga mga estudyanteng nag-drop out ilawom sa blended learning dinhi sa Davao Region.
Sa interbyu sa RMN Davao kang DepEd XI spokesperson Jenielito Atillo, giingon niini nga taliwala sa mga hagit ilawom sa blended learning system ug distance learning, nagpadayon ang mga estudyante sa ilahang mga pageskwela.
Gikalipay kini sa DepEd tungod naningkamot ug ni-adapt sa mga estudyante ug mga magtutudlo sa kasamtangang giatubang nga sitwasyon, ang COVID-19 pandemic.
Gipaningkamutan sab sa ahensya nga marespondehan ang mga gikinahanglan sa mga estudyante.
Matud ni Atillo nga nanghinaot sila nga mabalik na gyod sa normal tungod mas labing epektibo unta ang face to face learning apan nunot sa hulga sa virus kinahanglan gyod nga mu-adjust ang tanan ug ilahutay ang pagtuon.
RadyoMaN Aimee Guinita
