Davao City – Gipaklaro karon sa Department of Education 11 nga dili dengue ang gikamatyan sa dose anyos nga alteta nga si alyas Anie, 12-anyos, atleta sa elementary volley ball girls sa nagpadayong DAVRAA 2019 ug residente sa Mugbong Cogon Banay-Banay Davao Oriental.
Matod ni DepEd 11 Spokesperson Jenielito ‘Dodong’ Atillo nga base sa resulta sa labotaryo nga gipagawas sa Southern Philippines Medical Center dili dengue ang gikamatyan sa bata apan ang sakit nga pneumonia.
Sigun ni Atillo, bisan tuod og nagpagawas na ang SPMC og tinuod nga rason sa kamatayon sa atleta magpadayon gihapon ang ilang imbestigasyon aron masayran ang rason ngano wala madiskitahe sa mga organizers sa Davao Oriental Delegations ang balatian sa bata.
Apan nagdumili una ang opisyal sa pagbutyag kung aduna ba’y kakulangon ang mga magtutudlo nga nagdala sa delegasyon sa probinsya sa Davao Oriental sanglit gikumpleto pa nila ang ilang imbestigasyon labot sa maong insidente.
Sa nakalabay’ng DAVRAA event, nangalanag ang mga delegasyon gikan sa Mati City Davao Oriental sa ilang gikaon nga pagkaon sud sa biletting quarter.
Apan gipaniguro ni Atillo nga dili makaapekto ang sunod-sunod nga insidente sa DAVRAA sa ilang gihimo nga preparasyon sa Palarong Pambansa nga ipahigayon sab dinhi sa dakbayan sud karong tuiga.
Ang patay’ng lawas sa bata gidala na sa iyang mga kabanay pabalik sa ilang lugar Sa Banay-Banay Davao Oriental alang sa katapusang kapahulayan niini.
Una nang gidudahan nga nagkadengue ang maong bata ug posibli nakuha kini sa ilang lugar sa Davao Oriental ayha paman kini miabot dinhi sa siyudad sa miaging semana alang sa DAVRAA 2019.
Nasuta nga walay gana mukaon bata tungod sa pila na ka adlaw nga kalintura, ubo ug pagsuka og dugo hinungdan dali kini gihatud sa SPMC gahapong adlawa.
Alayon ani, gibarugan sa organizers sa Davao Oriental delegation nga miagi sa prosesong medical ang nasangpit nga atleta ayha kini gitugotan makaapil sa sports event gani ang ilang medical team walay nakita nga dunay balatian ang maong atleta.
RadyoMaN Joel Viray
