DEPENSA NI CONG. TRENAS NGA FREEDOM OF EXPRESSION ANG PAGPANGKABIT SANG MGA TARPAULINS SA BARANGAY HALLS, GINKADLAWAN NI MAYOR ESPINOSA

i Balita November 24, 2018 (Photo From Web. No Copyright Infringement Intended)

Ginkdlawan ni Mayor Jose Espinosa III ang depensa ni Cong. Jerry Treñas nga freedom of expression sang mga kapitan ang pagkabit sang mga tarpaulins sang iya grupo sa mga barangay halls.
Suno kay Espinosa paano ini nangin Freedom of expression kay makabig nga eyesore ang mga tarpaulins? “Freedom of expression? Freedom grandstand siguro?” ang kabahin sang sabat ni Espinosa.
Nahibaluan nga nagpahayag ang alkalde nga plano niya nga ipakakas ang mga tarpulisan, posters kag billboard nga nabutang sa mga public places nga paglapas sang Regulation Ordinance 2013-330.
Angut sini ginpalabtikan man ni Espinosa si Liga ng mga Barangay President Ma. Irene Ong nga nagaakto nga mayor.
Reaction ini sang alkalde sa pagpakita ni Ong sang pwersa matapos ginsiling sini nga kasuhan niya sang trespassing ang mga magakakas sang posters ukon tarpaulins sa ila barangay.
Si Ong kaupod sa indi magnubo sa 160 ka mga barangay kapitan sang syudad lunsay supporters ni Treñas.
Sanday Treñas kag Espinosa ang magbilas kag magabungguanay sa pagkaalkalde sa syudad sa 2019 elections.
Una diri nagpanugyan man ang DILG sa mga politiko nga unahon ang pagserbisyo kag indi ang timprano nga pagpangampanya