Deployment plan sang kapulisan sa pagbukas sang klase sa Lunes, kasado na.

Kasado na ang deployment plan sang Iloilo City Police Office para sa pagbukas sang klase sa Lunes, Hunyo 3.
Ini ang ginpahayag ni Police Captain Sheila Mae sangrines, Spokesperson sang ICPO.
Suno kay Sangrines nga lauman sang publiko ang presensya sang kapulisan sa mga eskuwelahan sa maabot nga Lunes kadungan sang pagbukas sang klase bilang kabahin sang “Oplan Ligtas Balik eskuwela 2019” sang Philippine National Police.
Katuyuan sini nga mahatagan sang seguridad ang mga kabataan nga magabalik eskuwela kag mapunggan ang pagpangbiktima sang mga kawatan.
magluwas diri, magabulig man ang kapulisan sa pagdereher sang trapiko bangud ginalauman nga magagutok naman ang mga salakyan kadungan sang pagbukas sang klase.