Davao City – Gihulat pa karon ang disisyon sa Directorate for Personnel Records Management (DPRM) kung sugdan na ba ang pagbalhin ngadto sa Caloocan City sa mga pulis gikan dinhi sa dakbayan sa Dabaw.
Kini human nga gisugyot ni PNP Chief Director General Ronald ‘Bato’ Dela Rosa ang pagpadala og mga pulis Davao ngadto sa Caloocan human gitanggal ang entero pwersa sa kapulisan didto tungod sa pipila ka mga kontrobersyal nga insidente sa pagpatay.
Sumala ni PNP spokesperson Police Chief Supt. Dionardo Carlos, magikan ang kamanduan sa DPRM ug kini ang ipagawas sa labing madaling panahon.
Tungod sa dakong pagsalig ni PNP Chief Dela Rosa sa Davao PNP hinungdan nga gusto niining madistino sa Caloocan ang mga kapulisan nga kanhi niyang gipamunuan kaniadto isip hepe sa Davao City Police Office sugod Enero 30, 2012 hangtud Octubre 18, 2013.
