General Santos City—Sugdan na karong adlawa ang augmentation sa PNP personnel sa mga sementeryo sa syudad.
Sumala ni Police Sr. Inspector Fernando Manuel, hepe sa Police Station 7, nga sa Antonio C. Acharon Memorial Park (ACAMP) gawas sa ilang tropa duna usay mga pulis nga gikan sa Police Regional Office 12 ug sa GEnsan City Police Office.
Gipaniguro usab ni Mannuel nga sila sa Police station 7, andam na usab sa paghatag ug seguridad ngadto sa mga tawong mudagsa sa ACAMP.
Dugang pagbutyag ni PSI Mannuel nga walay kalahi-an ang seguridad nga ilang ipatuman sa ACAMP sa nakalabayng tuig ug kasamtangan. Sa entrada nga bahin sa sementeryo adunay ibutang nga mga pulis gawas pa sa mga personahe sa CSU.
Aduna usay gitahasan nga magsuta sa mga dala sa tanang musulod sa ACAMP kung asa ilang kumpiskahon ang mga butang nga gibawal nga isulod sa maong sam-ang.
