Davao City – Gidasig karon ang mga nakabati og depresyon kun grabeng kahiubos nga mangita og propesyunal nga tabang samtang sayo pa.
Sumala ni Engelica B. Liguid, RPm, ICAP 1, Behavior Management Program Case Manager sa New Day Recovery Center, ang pinakasukaranon nga pamaagi aron matabangan ang kaugalingon mao ang pagkahimanan sa kahibalo kung unsa ang depresyon ingon man ang pagwagtang sa stigma nga walay mali kung mangayo og ‘psychological assistance’ ilabi na ang mga estudyante.
“When one understand na it’s not just something na pwede nimong i-keep, something na you can just sleep with, na its really a disorder… sakit siya that needs a professional attention and help… anyone can be vulnerable to depression,” tataw niini.
Samtang sa lain interbyu kang Florante J. Ronquillo, guidance advocate sa Magallanes Elementary School, giingon niini nga kung ma-obserbahan nila nga luya ang usa ka bata ila kining ginaduol diin kung mag-open up kini ilang ipatawag ang atensyon sa ginikanan niini.
Sa mga gusto magpatabang bahin sa nabating depresyon andam motabang ang New Day Recovery Center ug mamahimong i-contact sila sa ilang hotline nga 233-1719 o 09228465771.
RadyoMaN Jason Amisola
