Davao City – Makita sa kinabuhi sa usa ka bata kung nagdaku kining
malipayon o masulob-on kay kini maoy salamin sa kung giunsa kini
pag-atiman, pag-amoma ug pagmahal sa iyang mga ginikanan.
Gibutyag ni Philippine Mental Health Association (PMHA-Davao) executive
manager Precious Manliguez nga aron dili na masubli pa ang susamang
insidente diin nisangpot sa kamatayon sa usa ka tres anyos nga bata nga
gituohang gidauban sa iyang kaugalingong amahan, angay gayod nga ang
matag-usa adunay maistoryahan sa ilang mga problema, pweding sa pamilya,
higala ug diha sa mga eksperto.
“Kung okay ang papa ug ang mama, magpatan-aw sila og psychiatrist para lang
nga makit-an nato kay basin dili lang ang bata ang nanginanglan og tabang,
basi’g pati sila pod mismo adunay ginaagiang mental health issues nga
kinahanglang i-address para dili na ma-otro ang kini nga insidente,” sumala
ni Manliguez.
Sumala ni Manliguez. lisod gayod mahibaloan kung ang usa ka indibidwal anaa
ba sa depresyon.
“Mao nga atong ginaingon nga ang depression is a silent killer, dili nato
mahibaloan kutob sa anaa na siya’y himuon either mag-commit og suicide,
mupatay og laing tao, mangawat ug uban pa,”matud ni Manliguez.
Dugang ni Manliguez, sa kaso sa tres anyos nga bata, angay nga
ma-establisar kung ang tatay depressed ba gayod.
“Kung pwede mapatan-aw nato ang papa sa mga institusyon dinhi sa Davao City
para ma-establish nato kay kung tuod gyod nga anaa syay depression, then
nanginahanglan pod siya og tabang. Dili nato siya i-condemn tungod lang kay
naa sya’y nahimo,” sumala ni Manliguez.
Dugang ni Manliguez, padayon ang ilang gihimong pagpaningkamot sa ilang
buhatan sa pagpahalapad sa kahibalo kalabot sa mental health issues
partikular
RadyoMaN Aimee Guinita
